有時我會發呆，但個腦其實不停轉緊。

呢幅圖入面嘅 M，唔係普通嘅 M。入面有格仔、有線條、有圓、有暗紋，好似一個人身上嘅經歷、傷痕、記憶。佢唔係一筆過畫出嚟，而係一層層堆疊出嚟——就好似人生。

畫呢幅畫嘅時候，心入面浮現咗一句：「There is no 'must'. Who set the rules?」 係呀，邊個話人一定要咁樣？ 反轉咗嘅 M，依然係 M。除非佢唔再想做 M。

我曾經好努力咁想「變返正常」，想講得清楚啲、寫得順啲、行得穩啲。但越努力，越覺得迷失......直到有一日，我停低，望住自己畫出嚟嘅一個反轉字母，突然覺得——其實我冇變，我只係用咗另一種方式存在。

呢幅畫，唔需要你認得佢係 M。 佢唔完美，但佢有紋理、有重量、有故事。 佢唔跟規則，但佢有自己嘅節奏。

每一筆、每一線，都係你同世界對話嘅方式。 你唔需要符合誰的定義，因為你已經係完整嘅自己。 如果你都曾經懷疑過自己是否「唔夠好」，希望你睇到呢幅圖、呢篇文之後，會記得—— 你唔需要變成另一個人先至值得被愛。 你而家咁樣，已經好好。